د ملي مقاومت جبهه، هرات: په تېرو ۲۴ ساعتونو کې په تخار، ارزګان، دایکندي او هرات ولایتونو کې څلورو ښځو ځانوژنه کړې ده.
تېره شپه د تخار ولایت د کلفګان ولسوالۍ د عقاب بازار په سیمه کې یوې ځوانې انجلۍ ځان ووژله.
د اروزګان په دهراوود ولسوالۍ کې هم يوې ١٨ کلنې نجلۍ د ترياکو په خوړلو خپل ژوند پای ته ورسوه.
د دایکندي په کیتي ولسوالۍ کې د یکشنبې په ماښام یوې ۱۷ کلنې نجلۍ د ښکاري ټوپک په وسیله ځان ووژله. هغه واده شوې وه.
د دغو پېښو اصلي لامل کورنی تاوتریخوالی بلل کېږي.
د طالبانو لخوا د کابل له اشغال راهیسې، هیڅ داسې بنسټ نشته چې د ښځو په وړاندې د تاوتریخوالي قضیې وڅیړي. سربیره پردې، طالبان پخپله له عامه فضا څخه د ښځو د ورکیدو اصلي عامل دي او ښځو ته د دې ډلې نظر یوازې جنسي او ابزاري دی.
