پروان، د ملي مقاومت جبهه: ترهګرو طالبانو يو ځوان چې د بغلان ولايت د خوست ولسوالۍ اوسيدونکى و د پروان ولايت په مربوطاتو کې په ډزو وواژه.
دغه ځوان "نورالله" نومېده او د پروان ولايت په "پُل متک" سيمه کې د طالبانو له خوا په يوه پوسته کې ووژل شو.
د نورالله خپلوان وايي، چې نوموړی ملکي وګړی و او د کورنۍ هېڅ غړی یې د طالبانو پر ضد جګړه کې نه و.
دوی ویلي، چې نورالله په فارسي ژبه د خبرو کولو له امله وژل شوی دی.
د طالبانو له خوا د ملکي وګړو نیول، شکنجه او صحرايي محاکمه کومه نوې خبره نه ده. تر دې وړاندې هم دغې ترهګرې ډلې په لسګونو ځوانان په مختلفو پلمو وژلي دي.
