د ملي مقاومت جبهه، تخار: د ملي مقاومت جبهې سرتېرو تېره شپه د تخار ولایت کلفګان ولسوالۍ کې د طالبانو د امنیه قومندانۍ پر ودانۍ برید وکړ.
په دغه برید کې چې د شپې ۱۱ بجې ترسره شو، ۲ تنه مزدور طالبان ووژل شول او د دې ډلې یو رینجر موټر تخریب شو. دغې نښتې نیم ساعت دوام وکړ.
دا په داسې حال کې ده چې پرون هم د بدخشان ولایت په «کران منجان» ولسوالۍ کې د ترهګرو طالبانو او د ملي مقاومت جبهې سرتېرو ترمنځ نښتې زیاتې شوي او طالبانو ته پکې مرګ ژوبله اوښتې ده.
