تخار، د ملي مقاومت جبهه: د ملي مقاومت جبهې ځواکونو په تخار ولایت کې د طالبانو د ترهګرې ډلې په یوهې پوستې برید وکړ.
دغه برید تېره شپه ۱۲ بجې د دغه ولایت د فرخار ښار په «چمن خسده» کې شوی او نږدې نیم ساعت یې دوام وکړ.
په دې جګړه کې یو طالب جګړه مار وژل شوی او یو بل طالب ټپي شوی دی.
د فرخار چمن خسده د مقاومت په لومړۍ دوره کې د افغانستان د ملي اتل شهید "احمد شاه مسعود" یوه له قرارګاو و او د فرخار ښار له ستراتیژیکو سیمو څخه ګڼل کیږي.
