د ملي مقاومت جبهه، کابل: د کابل ښار په پنځمه ناحیه کې د چاودنې له امله دوه تنه وژل شوي او ۱۵ تنه نور ټپیان شوي دي.
دغه چاودنه نن د سلواغې په شپږمه د ماښام د لمانځه پر مهال د شیخ محمد روحاني په جومات کې شوې ده.
چاودېدونکي توکي پخوا په جومات کې ځای پر ځای شوي وو.
په افغانستان کې په مذهبي سیمو کې چاودنه نوې خبره نه ده.
د افغانستان له اشغال مخکې هم د شیعه ګانو او سیکانو پر عبادت ځایونو باندې وژونکي بریدونه شوي او له اشغال وروسته هم دغه بریدونه دوام لري.
په دې ټولو بریدونو کې د طالبانو د لاس درلودلو نښې لیدل کیږي.
