د ملي مقاومت جبهه، لغمان: په افغانستان کې د مزدورو طالبانو لخوا د پخوانیو دولتي سرتېرو د وژلو په دوام، دغې ډلې د صفي الله په نوم یو پخوانی پوځي په ختیځ ولایت لغمان کې په ډزو وواژه.
نوموړی څو ورځې وړاندې په دغه ولایت کې د طالبانو لخوا برمته شوی و.
صفي الله د لغمان د علینګار ولسوالۍ اصلي اوسېدونکی و او پخوا یې د امنیتي ځواکونو په لیکو کې دنده ترسره کوله.
د هغه جسد نن په لغمان ولایت کې موندل شوی دی.
دا په داسې حال کې ده چې د طالبانو وحشي ډلې څو ورځې وړاندې هم په بلخ او کندهار کې دوه پخواني دولتي سرتېري شهیدان کړي وو.
