topbar 10 10px1

ننګرهار کې د یوازیني پاتې سیک پر دوکان برید وشو

ننګرهار کې د یوازیني پاتې سیک پر دوکان برید وشو

د ملي مقاومت جبهه، ننګرهار: د ننګرهار په مرکز جلال آباد ښار په لومړۍ ناحیه کې چاودنې دوه کسان ووژل او ۸ نور ټپیان کړل.

چاودنه نن د شنبې په ورځ (قوس ۱۲مه) د مازدیګر په څلورو بجو وشوه.

چاودنه ننګرهار کې د یوازینې پاتې سیک چرن سینګ په دوکان کې د ځای پرځای شوي ماین له امله رامنځته شوې ده. ددغه دوکان ترڅنګ د سیکانو عبادت ځای موقعیت لري.

چرن سینګ ننګرهار کې وروستۍ سیک دی چې د یوناني درملو دوکان لري.

په تېرو کلونو کې طالبانو ډېر شمېر هېوادوال په نښه کړي او دا ډول بریدونه ددغې ډلې لخوا د افغانستان تر اشغال وروسته لا هم دوام لري.

په تېر جون میاشت کې په کابل کې د سیکانو پر عبادت ځای تر برید وروسته، هندوستان د افغانستان سیکانو ته د ویزې ورکړې بهیر کړندی کړ. اوسمهال د ګوتو په شمېر سیکان او هندوان افغانستان کې پاتې دي.

© ټول حقوق محفوظ دي | ۱۴۰۰-۱۴۰۱

Image
© ټول حقوق محفوظ دي | ۱۴۰۰-۱۴۰۱ | د افغانستان د ملي مقاومت جبهې

 

 

Like what you see?

Hit the buttons below to follow us, you won't regret it...