د ملي مقاومت جبهه، پروان: ترلاسه شوي معلومات ښيي چې طالبانو په پروان ولایت کې د اجمل په نوم یو پخوانی دولتي سرتېری او د مقصود په نوم یو محصل نیولي دي.
طالبانو دغه کسان د جبل السراج ولسوالۍ له چهاربرج کلي څخه نیولي او نامعلوم ځای ته لېږدولي دي.
اجمل د جمهوري دولت پرمهال په کورنیو چارو وزارت کې د پولیسو افسر په توګه کار کاوه.
د سیمې قومي مخورو هڅه وکړه چې دا دوه کسان د طالبانو له منګولو راخلاص کړي، خو تراوسه یې نتیجه نه ده ورکړې.
وحشي طالبانو د افغانستان تر اشغال وروسته، په تخار، بغلان، بلخ، دایکندي او کابل کې سلګونه کسان نیولي، زنداني کړي او په ډېرو مواردو کې په ډزو وژلي دي.
