topbar 10 10px1

په اندراب کې د طالبانو درنه ماتې؛ د ملي مقاومت جبهې ځواکونو ۱۳ طالبان وژلي او ۱۷ نور یې ټپیان کړي دي

په اندراب کې د طالبانو درنه ماتې؛ د ملي مقاومت جبهې ځواکونو ۱۳ طالبان وژلي او ۱۷ نور یې ټپیان کړي دي

بغلان، د ملي مقاومت جبهه: په داسې حال کې چې هوا ګرمه شوې او د ملي مقاومت جبهه سختې جګړې ته تیاری نیسي، طالبانو د هېواد په شمال کې په ځینو سیمو کې خپلو بریدونو ته زور ورکړی دی.

په وروستۍ پيښه کې د دغه جنایتکارې ډلې غړو د روان کال د حمل د میاشتې په نهمه نیټه د سهار په څلور نیمو بجو د ملي مقاومت جبهې ځواکونو پر پوستو تعرضي بریدونه پیل کړل چې له سختې ماتې سره مخ شول.

د ملي مقاومت جبهې ځواکونو نږدې شل ساعته له طالبانو سره جګړه وکړه، چې په ترڅ کې یې د دې ډلې د یوه جګپوړي قوماندان سید یاقوت شاه په ګډون ۱۳ طالبان ووژل شول او ۱۷ نور ټپیان شول.

طالبانو پدې جګړه کې د خپلې سرې قطعې له جګړه مارو، درنو وسلو او ټانګونو هم کار اخیستی وو خو پایله یې ددوی ناکامي شوه.

د ملي مقاومت جبهې میړنیو ځواکونو بیا د قومندان متین د وینې د غچ اخیستو په موخه چې نن له غرمې مخکې په شهادت ورسید، خپلو بریدونو ته زور ورکړ او له طالبانو یې د خپل قومندان د وینې غچ واخیست او پراخې سیمې یې له مزدورې ډلې څخه آزادې کړې او درانه تلفات یې ورواړول.

طالبانو خپل ټپیان او جسدونه د چورلکو په واسطه کابل ته انتقال کړل.

جګړه نن ماښام ۶ بجې پای ته ورسیده.

Image
© ټول حقوق محفوظ دي | ۱۴۰۰-۱۴۰۱ | د افغانستان د ملي مقاومت جبهې

© ټول حقوق محفوظ دي | ۱۴۰۰-۱۴۰۱

 

Like what you see?

Hit the buttons below to follow us, you won't regret it...