بغلان، د ملي مقاومت جبهه: د بغلان ولايت په برکه ولسوالۍ کې د طالب جګړه مارو ترمنځ خپلمنځي نښته کې درې طالبان ووژل شول.
د عبدالرحیم په نوم یو ازبک طالب خپل درې ملګري چې د بل قوم وو د یادې ولسوالۍ د ګرداب جمالي په کلي کې په یوه قرارګاه کې په ډزو وژلي دي.
دا پېښه وروسته له هغه کېږي چې ناقل طالبانو په کلي کې پر یوې ازبکۍ مېرمنې ډله ییز جنسي تېری وکړ.
عبدالرحيم له سيمې څخه د تيښتې په حال کې د طالبانو له خوا ونيول شو.
له دې وړاندې هم د دغې ډلې لسګونه غړي خپلمنځي نښتو کې وژل شوي دي.
