سرپل، د ملي مقاومت جبهه: په سرپل ولایت کې د ناقل طالبانو او د دغې ډلې د هزاره قومندان ترمنځ په نښته کې پنځه تنه وژل شوي او درې نور ټپیان شوي دي.
پرون، طالب اورپکو د دې ډلې یوازینی هزاره قوماندان مهدي مجاهد سره نښته وکړه، چې په دې وروستیو کې له دندې ګوښه کړل شوی دی.
نښته د «گل ورس نورک» کان کې شوې ده.
په وژل شویو کې د مهدي مجاهد دوه پلویان هم شامل دي.
مهدي مجاهد د طالبانو د تسلط په پیل کې پنځه میاشتې د بامیان ولایت د استخباراتو د مشر په توکه کار وکړ خو وروسته له دندې ګوښه شو.
دا لومړی ځل نه دی چې د طالبانو په لیکو کې قومي برخوردونو پر اساس جګړه رامنځته کیږي.
دغې قومي ډلې په دې وروستیو کې بدخشان ولایت ته خپل ۲۰۰ ناقل جګړه مار استولي دي او د بدخشان ټول ځايي طالبان له دغه ولایت څخه شړل شوي دي.
