د ملي مقاومت جبهه، سرپل: طالب ترهګرو د سرپل ولایت په بلخاب ولسوالۍ کې د پنځو کارګرانو او دوو شپنو په ګډون اووه ملکي وګړي په ډزو وژلي دي.
دغه راز د بلخاب په دهنه سيمه کې د طالبانو لخوا د هاوان مرمۍ د استوګنې پر يوه کور د لګيدو له امله څلور ماشومان سخت ټپيان شوي.
طالب ترهګرو دغه ملکي وګړي پرته له کوم دليله په ډزو وژلي دي.
د یادونې وړ ده چې په تيرو ورځو کې ترهګرو طالبانو په پنجشير او اندراب کې له کوم دليل پرته د خپلو بريدونو په بهير کې په ملکي وګړو ډزې کړي دي.
