بغلان، د ملي مقاومت جبهه: په بغلان ولایت کې د طالبانو او ملي مقاومت جبهې ترمنځ جګړو زور اخیستی دی.
د جګړې له پراخېدو وروسته، تېره شپه د ۱۴۰۱ هجري لمریز کال د حمل په ۸ مه نېټه طالبانو د بغلان ولایت د اندراب ولسوالۍ په "قاسان" دره کې د ملي مقاومت جبهې پر څو پوستو بریدونه وکړل، خو دوی له سخت مقاومت سره مخامخ شول.
په دې جګړه کې اته تنه طالبان ووژل شول او پنځه تنه نوريې ټپيان شول.
په دې وروستیو کې په "تخار، پنجشیر او بغلان" ولایتونو کې د مقاومت ځواکونو طالبانو ته درنه مرګ ژوبله اړولې او د دغې ډلې درنې توپخانې او یو شمېر مهمات د ملي مقاومت جبهې لاس ته ورغلي دي.
