بدخشان، د ملي مقاومت جبهه: دوه ورځې وړاندې طالبانو د خپل هوايي ځواک د یوه غیر پښتون قوماندان مولوي "امان الدین منصور" اړوند د مهماتو یوه ډیپو ضبط کړه او مهمات یې د بدخشان ولایت مرکز ته انتقال کړل.
دغه مهمات په څلورو موټرو کې بار او د بدخشان ولایت مرکز "فیض آباد" ته لیږدول شوي دي.
مولوي "امان الدین منصور" په بدخشان ولایت کې د طالبانو یو له تاجک قوماندانو او د دغې ډلې یو له بانفوذه غړو دی.
تر دې مخکې طالبانو د تخار نومولي والي "مولوي نورالدین" چې ازبک دی، کور او قرارګاه تلاشي کړي وو او زیاته اندازه سپکې او درنې وسلې او مهمات یې ترلاسه کړي وو.
د دې جاهلې او انحصارګرې ډلې د مشرانو او غیر پښتون چارواکو ترمنځ د قومي برخورد – په ځانګړې توګه په شمال کې – ورځ په ورځ پراخیږي او د دې ډلې د قوماندانانو او غړو ترمنځ یې ژوره قومي تفرقه رامنځته کړې.
