کندز، د ملي مقاومت جبهه: "یاسین" چې د طالبانو د مزدورې ډلې یو جګپوړی قومندان و، تېر ماښام د کندز ښار د "ګندم بازار" په سیمه کې د ملي مقاومت د جبهې د زړورو ځواکونو لخوا ووژل شو.
دغه ترهګر په کندوز کې په وسله والو غلاوو، تښتونو او د قومي مشرانو په وژنو کې ډېر رول درلود.
د طالبانو وحشت د دې لامل شوې چې د افغانستان د ملي مقاومت جبهې ګڼ شمېر ازادي غوښتونکي او وطنپال ځوانان د دغې جنایتکارې ډلې غړي د خپلو اعمالو په سزا ورسوي.
په تېره يوه اوونۍ کې په تخار، بدخشان، کندز، پنجشير، کاپيسا او پروان ولايتونو کې د ملي مقاومت د جبهې د ځواکونو لخوا په لسګونو وسله وال طالبان وژل شوي دي.
