پنجشیر، د ملي مقاومت جبهه: د پنجشير په جګړو کې د وسله والو طالبانو يو قوماندان ووژل شو.
نوموړی «قاري حميدالله جاوېد» نومیده او شاوخوا ۵ ورځې وړاندې د پنجشیر ولایت د عنابې ولسوالۍ په «کوه ارزو» سيمه کې د ملي مقاومت جبهې له زړورو ځواکونو سره په نښته کې سخت ټپي شوی و او نن مړ شو.
څلور ورځې وړاندې د ملي مقاومت د جبهې لخوا په »تاواخ، عنابه، شتل، کرواشي او چمالورده» قرارګاوو کې د کمین له امله طالبانو ته درنه مرګ ژوبله واوښته.
له نښتو یوه ورځ وروسته طالبان د پشغور له کلي هغه مهال شاتګ ته اړ شول چې شپږ جګړه مار یې ووژل شول.
دغه مرګ ژوبله د ملي مقاومت جبهې له خوا د پشغور قرارګاه کې د طالبانو پر ضد د ځوابي برید په پایله کې رامنځته شوه.
