بغلان، د ملي مقاومت جبهه: د ملي مقاومت جبهې ځواکونو په بغلان ولایت کې له نښتو وروسته د دغه ولایت د خوست ولسوالۍ د دره چرخ فلک په مربوطاتو کې په یوه کمین کې درې طالب ترهګر له خپلو وسلو او نورو تجهیزاتو سره ونیول.
له څو ورځو راهیسې د بغلان په خوست او اندراب ولسوالیو کې د ملي مقاومت د جبهې د زړورو ځواکونو او د جګړه مارو طالبانو ترمنځ نښتې روانې دي.
د یادولو وړ ده چې په تیرو دوو ورځو کې په خوست او اندراب کې د ملي مقاومت جبهې د ځوابي بریدونو په پایله کې طالبانو ته درنه مرګ ژوبله اوښتې ده.
