د ملي مقاومت جبهه، کونړ: په کونړ کې د طالبانو یو غړی چې غوښتل یې پر یوې ښځې د جنسي تیري هڅه وکړي ووژل شو.
د طالبانو دغه غړی جلال نوميده او هغه مهال ووژل شو چې د کونړ ولايت د نرنګ ښار د يوه اوسېدونکي کور ته ننوت.
تر دې وړاندې د طالبانو د رژیم د کورنیو چارو وزارت پخواني ویاند سعید خوستي هم پر یوې ښځې جنسي تېری کړی و.
دوه ورځې وړاندې الهي دلاورزي د یوې ویډیو په خپرولو سره د طالبانو تجاوز او جنایت رسوا کړ.
دغې زړورې میرمنې وویل چې د ویډیو له خپریدو وروسته ښایي طالبان هغه ژوندۍ پرېنږدي.
د طالبانو په منځ کې پر ښځو او ماشومانو جنسي تیری یوه عامه خبره ده.
