تخار، د ملي مقاومت جبهه: ترهګرو طالبانو د تخار ولایت د بهارک ولسوالۍ د ملي امنیت پخوانی مدیر په ډزو وژلی دی.
د نوموړي نوم عبدالظاهر و او لس کاله يې په دې ولسوالۍ کې د ملي امنيت د مدير په توګه دنده ترسره کړې وه او د پنجشنبې په شپه په خپل کور کې د طالبانو لخوا ووژل شو.
عبدالظاهر د تخار د بهارک ولسوالۍ د کوترمه د کلي اوسېدونکی و او د تېر حکومت له نسکورېدو راهيسې يې له کومې ډلې سره اړيکې نه درلودې.
په همدې حال کې طالبان د پخوانیو امنیتي ځواکونو په لټه کې دي او هره ورځ په بېلابېلو پلمو ماشومان، ځوانان، ښځې او سپین ږیري وژني
