غور، د ملي مقاومت جبهه: ترهګرو طالبانو د غور ولايت په لعل و سر جنګل ولسوالۍ کې د پخواني حکومت د ولسي پاڅون قوماندان محمد مرادي په کور بريد وکړ .
په برید کې محمد مرادي او د هغه دوه لوڼې وژل شوي او د کورنۍ یوه ښځینه غړې یې ټپي شوې ده.
د قوماندان محمد مرادي په کور کې نښتې اوس هم دوام لري او د سیمې یو شمېر خلک د طالبانو پر ضد راټول شوي دي.
طالبانو په پرله پسې ډول په خپلو بریدونو کې ملکي وګړي نیولي، شکنجه کړي او وژلي دي او په پرلپسې ډول د دې ډلې بشري ضد جنایتونه دوام لري.
