تخار، د ملي مقاومت جبهه: طالب جګړه مارو د تخار ولايت په ورسج ولسوالۍ کې اووه ځوانان له ملي مقاومت جبهې سره د همکارۍ په تور نيولي او سخت شکنجه کړي دي.
نیول شوي ځوانان د تخار ولایت د ورسج ولسوالۍ د ایمند د کلي اوسېدونکي دي چې تازه له ایران څخه راستانه شوي وو.
طالبان په دغو کلیو کې ځوانان له ملي مقاومت جبهې سره د همکارۍ په تور بندیانوي چې یو شمېر یې بیرته په ضمانت خوشې کوي خو ځینې بندیان بیا د وسلو او پیسو په بدل کې خوشې کوي.
ترهګرو طالبانو په دې وروستیو کې د دغه ولایت د فرخار ولسوالۍ د خُرماب په کلي کې شپږ نور کسان هم نیولي دي چې لا هم د دغې ډلې په بند کې دي.
