تخار، د ملي مقاومت جبهه: طالبانو د تخار ولايت په ورسج ولسوالۍ کې يو شپون له ملي مقاومت جبهې سره د همکارۍ په تور نيولى دى.
دغه شپون "عبدالعلي ورسجی" نومېږي او له کلونو راهيسې د ورسج ولسوالۍ په لرې پرتو سيمو کې شپون و.
عبدالعلي د لسو ماشومانو او څو لمسیانو پلار دی او تل له ځانه سره یو دوربین وړي چې په څرځایونو او غرونو کې د خپلو پسونو ساتنه وکړي.
هغه د طالبانو له خوا له مقاومت جبهې سره د همکارۍ او د طالبانو د هلیکوپټرو د څارنې په تور نیول شوی او شکنجه شوی دی. په داسې حال کې چې هغه په دې برخه کې هیڅ پوهه او مهارت نه لري.
