هرات، د ملي مقاومت جبهه: د طالبانو تروریستي ډلې په هرات کې د تابان ټلویزیون رییس او مسئول مدیر "عبدالعزیز صادقي" په بې رحمانه ډول شکنجه کړی دی.
ښاغلي "صادقي" نږدې پنځه میاشتې د دغې ترهګرې ډلې په زندان کې تیرې کړې او په دې موده کې په پرله پسې ډول شکنجه کېده.
د طالبانو جنایتکارې ډلې استخباراتو د دغه خبریال د خلاصون په بدل کې ددې رسنۍ شپږ عراده موټر او سل زره ډالره پیسې اخیستي دي.
په تېرو شپږو میاشتو کې دغې وحشي ډلې تر ۲۰ زیات خبریالان او د رسنیو کارکوونکي د ددې ډلې د جنایتونو د خپرولو په تور بندیان او شکنجه کړي دي.
