پروان، د ملي مقاومت جبهه: ترهګرو طالبانو تيره شپه ناوخته د دولت يو پخوانى سرتيرى له ملي مقاومت جبهې سره د همکارۍ په تور نيولى دى.
طالبانو د دغې ډلې د امنیه قومندان په امر د نصرالدین په نوم پخوانی نظامی په سالنګ ولسوالۍ کې له خپل کور څخه نیولی دی.
د پخواني سرتيري خپلوان وايي، سره له دې چې نوموړی په شاقه کارونو بوخت و او خپل ټول پوځي تجهيزات يې تسلیم کړي وو، خو د طالبانو لخوا بیا هم نيول شوى او برخليک يې معلوم نه دی.
د سالنګ ولسوالۍ لپاره د ترهګرو طالبانو تش په نامه امنيه قوماندان د شخصي دښمنيو له امله په خپلسري ډول نيونې کوي او خلک ځوروي.
له دې وړاندې هم څو تنه نور ملکي وګړي د ملي مقاومت له جبهې سره د همکارۍ په تور د امنيه قوماندان په امر نيول شوي وو.
