کندهار، د ملي مقاومت جبهه: طالبانو په کندهار ښار کې د افغان-ترک خصوصي لېسې د مدیر مرستیال وژلی دی.
د کندهار د افغان-ترک لېسې د مدیر مرستیال ارشاد احمد فضلي د سې شنبې په ورځ (د ثور په ۲۴مه) د کندهار ښار د ۱۱مې ناحیې اړوند عینومینه ښارګوټي کې طالبانو په چړو وواژه.
د دغه ځوان مړى د ميرويس حوزوي روغتون ته وړل شوى دى.
په افغانستان کې د هرې ورځې په تیریدو سره هدفي وژنې او ترورونه زیاتیږي.
طالبانو چې د افغانستان په مختلفو سیمو کې د ملي مقاومت جبهې له لورې درنه مرګ ژوبله لیدلې ده، اوس هیواد په مختلفو سیمو کې له ملکي وګړو د غچ اخیستنې ته مخه کړې او حتی په ښځو او ماشومانو یې هم رحم ندی کړی.
