بدخشان، د ملي مقاومت جبهه: د طالبانو ترهګرې ډلې د امربالمعروف او نهی المنکر محتسبینو په بدخشان ولایت کې یوه محصله او د هغې موټر چلوونکی پوهنتون ته په لاره کې له دې امله ووهل چې تور حجاب یې نه درلود.
دغه نجلۍ "اریا" نومیږي او د بدخشان پوهنتون د حقوقو او سیاسي علومو د پوهنځي محصله ده.
په بدخشان کې د دې ډلې مشهورو قوماندانانو تر خپل قوماندې لاندې دوو مېرمنو ته کیبلونه ورکړي چې بې حجابه نجونې پرې ووهي.
د يادونې وړ ده، چې طالبانو له دې وړاندې هم پوهنتون ته د تللو پر مهال ښځينه محصلېنو ته له دې امله سپکاوی کړی و، چې حجاب يې نه درلود او پوهنتون ته يې د تللو اجازه نه وه ورکړې.
