کندز، د ملي مقاومت جبهه: ترهګرو طالبانو په کندز ولايت کې د پخواني حکومت د ولسي پاڅون يو قوماندان حبيب ناصري په ډزو وواژه.
طالبانو تېره شپه د کندز ښار په رستاق اباد سیمه کې د ولسي پاڅون یو پخوانی مشهور قومندان په خپل کور او د کورنۍ د غړو د سترگو په وړاندې په ډزو وواژه.
حبيب ناصري د حکومت له نسکورېدو وروسته په کور کې و او په بې وزلۍ کې يې ژوند کاوه.
هغه له کومې ډلې سره تړاو نه درلود.
د يادونې وړ ده، چې په دې وروستيو کې طالبانو د ملي امنيت د ۰۹ قطعې يو پخواني افسر او يو سرتېرى نيولي، چې تر اوسه يې د برخلیک په اړه معلومات نشته.
