تخار، د ملي مقاومت جبهه: ترهګرو طالبانو نن سهار د تخار ولایت د فرخار ولسوالۍ په کلیو کې د ملکي خلکو په کورونو چاپه وهلې ده.
طالب ترهګر د ځینو عقدو له مخې د خلکو کورونه پلټي او د عامو او غریبو خلکو ژوند تریخوي.
د جنایتکارو طالبانو د چشمه ګرمک، دهن زره او شاوخوا کلیو کې د کورونو د تلاشۍ په پلمه د خلکو په شخصي حریم برید کړی چې له امله یې د کلیو ځوانانو او نارینه وو غرونو ته پناه وړې.
د دغې ترهګرې ډلې لخوا د ځوانانو او ښځو د شکنجه کولو او ډله ییزې وژنې ویره د دې سبب شوې ده چې دغه نارینه او ځوانان وتښتي او بې کوره شي.
دا ترهګره ډله هغو سیمو کې چې له ناکامۍ سره مخ کیږي د سیمې ځوانان او نارینه له بندی کولو وروسته شکنجه کوي او وژني.
د طالبانو د جنایتکارې ډلې لخوا د ټولو اسلامي ارزښتونو پر ضد ناوړه چلند او خپلسري کړنو د خلکو غوسه راپارولې ده.
دا په داسې حال کې ده چې تېره ورځ ترهګرو طالبانو د تالقانو ښار د ختایانو له سیمې پرته له کومې لاس ته راوړنې د بیرته راتګ پر مهال پر څلورو ځايي ځوانان ډزوې وکړې.
