کونړ، د ملي مقاومت جبهه: وسله والو طالبانو پرون په کونړ ولايت کې دوه سيمه ييز سندرغاړي صحرایی محاکمه کړل.
دغه د فرهنک ضد ډلې د دوو هنرمندانو د موسیقۍ وسایل د هغوی په غاړه کې ځړول او د خلکو ترمنځ یې د سپکاوي لپاره وګرځول.
ترهګر طالبان د بشریت ضد جنایتونو تر څنګ، لکه د بې ګناه خلکو په اعدام محکومول او په زندانونو کې شکنجه کول، فرهنګي جنایتونه هم کوي.
د يادونې وړ ده، چې تېره ورځ طالبانو د همدې ولايت په شيګل ولسوالۍ کې یو ځوان د خپل ورور واده کې د موسيقۍ اورېدو په تور له امله وواژه.
