کابل، د ملي مقاومت جبهه: د کابل په لوېدیځ کې د عبدالرحیم شهید پر لېسې د برید له امله د وژل شویو شمېر ۱۲۶ تنو ته ورسېد.
په دې کې ۳۴ نجونې او ۹۲ هلکان شامل دي. په دغو بریدونو کې د ټپیانو شمېر ۷۲ ته رسېدلی دی.
د عبدالرحیم شهید لېسه تېره ورځ د دوو خونړیو چاودنو هدف و.
لومړۍ چاودنه هغه مهال وشوه، چې زده کوونکي له ښوونځي څخه د وتلو او کور ته په لاره وو.
دویمه چاودنه په ښوونځي کې هغه مهال وشوه چې ښوونکي او خلک د پېښې له ځایه ټپیان او جسدونه لېږدول.
د دې قتل عام اصلي عاملین طالبان دي. دغې ترهګرې ډلې د دغې تراژیدۍ د خبر د خپریدو مخه ونیوله او خپل جرم د پټولو لپاره یې د قربانیانو شمیر له اصلي ارقامو ډیر ټیټ وښوده.
