بلخ، د ملي مقاومت جبهه: د بلخ ولايت په مرکز مزارشريف ښار کې هزاره میشتو سيمو کې د دوو جلا چاودنو له امله لږ تر لږه ۹ تنه وژل شوي او ۱۳ نور ټپيان دي.
دغه چاودنې د پنجشنبې په سهار د ښار په درېيمه او لسمه ناحيه کې شوې دي.
چاودنې په دوو مسافر وړونکو موټرو کې د ځای پر ځای شویو بمونو له امله شوې دي.
یوازې د طالبانو ترهګره ډله په خپل تور بګراونډ کې د دا ډول وژنو تاریخ لري.
یوه اونۍ وړاندې په مزارشریف کې د شیعه ګانو په یوه جومات کې هم چاودنې تر ۴۰ ډېر کسان ووژل او څه باندې ۸۰ نور یې ټپیان کړل.
طالبان د دغې برید د دقیق خبري پوښښ مخه ونیوله او د خپلو جنایتونو د پټولو لپاره یې د ټپیانو او مړو شمیره خورا کمه خپره کړه.
