بغلان، د ملي مقاومت جبهه: په اندراب کې د جګړې له پراخېدو او په دغو ولسواليو کې د جنايتکارو طالبانو له درنې ماتې وروسته دغې ډلې اوس لسګونو ترهګرو او نوېو جنګي وسايلو سره د ملي مقاومت جبهې سرتېرو پر پوستو بريدونه کړي او د هلیکوپټرو په وسيله يې د برید د دوام ناکامه هڅه کړې.
له تېرو درېیو ورځو راهیسې د اندراب په بنو او پل حصار ولسوالیو کې د ملي مقاومت د جبهې پر پوستو وسله وال طالبان بریدونه کوي.
خو تیره شپه د درنو تلفاتو په منلو له سیمي شاتګ ته اړ شول.
خو نن چهارشنبه د ۱۴۰۱ هجري قمري کال د حمل د میاشتې په ۱۷ نیټه د دغې ترهګرې ډلې غړي یو ځل بیا د هلیکوپټرو په واسطه د قاسان په سیمه کې راښکته شول او یو شمیر یې د ټانک او ځمکې له لارې دغې سیمې ته ننوتل.
طالبان اوس ځايي خلک ځوروي او د خلکو په کورونو چاپې وهي.
په همدې حال کې د ملي مقاومت د جبهې سرتېري په لوړه روحیه له طالب ترهګرو سره په جګړه بوخت دي او په تېرو څو ورځو کې یې دغې ډلې ته درنه مرګ ژوبله اړولې ده.
