تخار، د ملي مقاومت جبهه: ترهګرو طالبانو د تخار ولایت په "ورسج" ولسوالۍ کې ملکي وګړي په نښه کړي دي.
طالب جګړه مارو د سه شنبې په ورځ د ثور په ۲۰ مه د دې ولسوالۍ په ایمند کلي کې شپږ ملکي وګړي ووژل.
طالبانو د ایمند د کلي پنځه تنه ملکي وګړي د دهشکې پواسطه له هلیکوپټره ویشتلي او په شهادت رسولي او یو بل یې په وحشیانه ډول په ډزو وژلی دی.
په دې ولسوالۍ کې طالب وحشي جګړه مارو ځايي خلکو ته خبرداری ورکړی چې که دوی څه ووايي ټول به ووژني.
دغې جګړه مارې ډلې په ایمند او ميانشهر دره کې ډېری اوسېدونکي او مشران بنديان او شکنجه کړي دي.
خلکو ته د طالبانو دغه غير انساني او ظالمانه چلند له زغمه وتلی او همداراز د دغې جنايتکارې ډلې له خوا په "پنجشير، اندراب او د تخار په ورسج" کې د ملکي وګړو وژنې نړیوال غبرګونونه پارولي دي.
