دایکندي، د ملي مقاومت جبهه: ترهګرو طالبانو چې په پوځي موټر کې سپاره وو، يو ډاکتر لاندې کړی او وژلى دى.
دغه پېښه د سه شنبې په ورځ د حوت په ۱۷ مه دایکندي کې د ( شهرک جدید- بازار کهنه ) پر لاره رامنځته شوې ده.
په يوه بله پيښه کې ددغې جنايتکارې ډلې غړو دکابل ښار په "دشت برچي" سيمه کې يو بل سړى تر موټر لاندې کړی او وژلى دى.
دا پداسې حال کې ده چې د دې جنایتکارې ډلې غړي په نارینه او ښځینه، ځوانانو او بوډاګانو رحم نه کوي او هیچا ته هم ځواب ویونکي نه دي.
د ترهګرو طالبانو په راتګ سره په ټول هېواد کې د ترور او هدفي وژنو کچه لوړه شوې ده.
