تخار، د ملي مقاومت جبهه: جګړه مارو طالبانو د تخار ولايت په خواجه غار ولسوالۍ کې درې تنه پخواني ولسي پاڅونوال په بې رحمانه ډول په ډزو ووژل.
دغه پېښه تېره شپه د ثورپه ۲۷مه د يادې ولسوالۍ په "هزار باغ" سيمه کې شوې ده.
د ولسي پاڅون دغه درې مشهور غړي "عوض خان، عبدالقاسم او حيات الله" نومېدل او فعلا یې له کومې ډلې سره تړاو نه درلود او په زراعت بوخت وو.
همدارنګه طالب ترهګرو په تخار، بغلان او بدخشان ولایتونو کې هم په خلکو کې د وېرې د رامنځته کولو په موخه ګڼ ملکي وګړي وژلي دي.
