د ملي مقاومت جبهه تخار: د تخار ولایت د مرکز تالقانو ښار په نهر چمن کې د طالبانو د دوو ډلو تر منځ نښته شوې ده.
په دې نښته کې دوه جګړه مار طالبان او يو ملکي وګړى ټپيان شول.
دغه نښته د حذیفه په نامه د ترهګرو طالبانو د ډلې د یو مشر او د طالبانو د یوې بلې ډلې ترمنځ شوې او دټپیانو روغتیايي حالت نازک ښودل شوی دی.
د یادولو وړ ده چې تر دې وړاندې هم په دغه ولایت کې د طالبانو تروریستي ډلې خپلمنځي نښتې کړي چې دواړو لورو ته یې درنه مرګ ژوبله اړولې ده.
